إعطوا مكانا للغضب
ماكنتش بأفهمها بسهولة ..لكن بعد وقت فهمت ... من وإحنا صغيرين ماحدش علمنا نعبر عن غضبنا بطريقة مناسبة إزاى .. كل اللى اتعلمناه إما صريخ وزعيق أو نزعل ونسكت ونقول حاضر ..!! بنكبر فبنتحول إما لشخصيات سخيفة ومزعجة بتمسك اللى قدامها تغسله وتشنع عليه بكل العبر.. أو ناس تزعل وتمثل إنها مش زعلانة وتمارس النفاق إراديا لتجنب المواجهة ... العلاقات بين الناس تحتاج لقدر كبير من التجاهل طبعا ...ف المواقف الصغيرة ..ف الزعلات الخفيفة ..فى إحباطات كل يوم ... لكن كمان تحتاج لكثير من المواجهة ..فى الحاجات اللى بتضايقنا حقيقى ، ف التوقعات اللى خذلنا فيها من الطرف الآخر ... من الظلم ليك أكون شايفك وحش من غير ما أديك فرصة توضح ... ومن الإساءة ليا تكون عارف إنى زعلان ..وتتجاهل وتتصرف عادى ... إكبروا ..أنضجوا ...واجهوا ..واعتذروا ..
وأحيانا ..إغضبوا.